Servizos da Administración do Estado

A rede 060 é unha oficina virtual de xanela única de atención integral ao cidadán e a empresa, que pretende concentrar todos os trámites destes co Estado e que se canaliza mediante teléfono, Internet e oficinas.
A oficina virtual do 060 é un portal da Administración Xeral do Estado destinado á relación do cidadán coa administración pública. Dende este portal os cidadáns e as empresas poderán consultar información ou tramitar xestións nos disitintos departamentos da Administración Xeral do Estado.
A través do portal 060 os propios cidadáns poden directamente resolver as súas xestións burocráticas mediante o DNI electrónico ou un certificado dixital. A rede 060 oferta servizos telemáticos que se irán ampliando paulatinamente.
De momento, pódense presentar solicitudes aos rexistros telemáticos das tres administracións (con eDNI ou certificado dixital), obter copias compulsadas e seladas de documentos ou apuntarse a alertas de emprego, axudas e licitacións por SMS, etc...   Pechar               

A Oficina Virtual é unha oficina de xestión telemática do Ministerio de Administracións Públicas. A través da oficina virtual os cidadáns poderán facer xestións on-line sobre: estranxeiría, emprego público, formación, contratación, axudas, trámites,  etc...    Pechar 

A Oficina Virtual é unha oficina de xestión telemática do Ministerio de Fomento. A través da Oficina virtual os cidadáns poderár realizar trámites relacionados con Pago telemático de taxas, Rexistro telemático, Aviación Civil, Transporte por carretera, etc...   Pechar 

A Oficina Virtual é unha oficina de xestión telemática do Ministerio de Industria, Turismo e Comercio. A través da oficina virtual os cidadáns poderán facer consultas de expedientes  do rexistro telemático, solicitar procedementos telemáticos, reclamacións, solicitar axudas, subvencións e premios,  etc...    Pechar 

Neste sitio pode utilizar os servizos en liña que ofrece o Ministerio de Cultura e realizar trámites administrativos por vía telemática.

O Ministerio de Cultura está a levar a cabo un despregamento progresivo de procedementos de administración electrónica, co obxectivo de facilitar a cidadáns e empresas as súas relacións co Departamento.

A plataforma de sinatura electrónica do Ministerio de Cultura ofrece aos cidadáns un servizo para a comprobación da validez dos certificados dixitais expedidos por diversas autoridades de certificación.    Pechar 

A Oficina Virtual é unha oficina de xestión telemática do Ministerio de Economía e Facenda. A través da oficina virtual os cidadáns poderár acceder a diversas xestións nas diferentes competencias do ministerio.   Pechar 

A Oficina Virtual é unha oficina de xestión telemática do Ministerio de Defensa. A través da oficina virtual os cidadáns poderár acceder aos Servizos electrónicos do Ministerio de Defensa.   Pechar 

A Oficina Virtual é unha oficina de xestión telemática do Ministerio de Medio Ambiente. Dende este lugar poderá acceder aos servizos telemáticos que o Ministerio de Medio Ambiente ofrece no marco da Administración Electrónica.   Pechar 

A Oficina Virtual é unha oficina de xestión telemática do Ministerio do Interior. A través da oficina virtual os cidadáns poderár acceder aos Servizos electrónicos  do Ministerio do Interior. Existen servizos electrónicos nos que se necesita o certificado dixital.    Pechar 

Rexistro no que vostede pode realizar a presentación telemática de escritos, solicitudes e comunicacións relacionadas cos procedementos e actuacións detalladas na páxina.   Pechar 

A Oficina Virtual é unha oficina de rexistro telemático do Ministerio de Educación. A través do rexistro poderá interactuar co ministerio de Educación e Ciencia a través dun certificado dixital recoñecido.   Pechar 

O Ministerio de Economía e Facenda pon a disposición da Administración Local esta Oficina Virtual, integrada no Portal de Internet do Departamento, e que foi deseñada co obxectivo de converterse no centro principal de comunicacións entre a Dirección Xeral de Coordinación Financeira coas Entidades Locais e os entes locais, en todos os aspectos relacionados co financiamento e o intercambio de datos presupostarios e económico-financeiros en xeral.    Pechar 

A Oficina Virtual é unha oficina de xanela telemática da Dirección Xeral do Catastro para a atención ao usuario. A través da OVC os cidadáns, as Administracións públicas, a Administración de Xustiza e as demais Institucións colaboradoras, como os notarios e rexistradores da propiedade, poden realizar consultas, obter certificados e realizar algunhas das xestións que viñan realizando nas Xerencias do Catastro.   Pechar 

A Oficina Virtual é o portelo de atención ao usuario en Internet a través da que cidadáns, empresas e colaboradores da Seguridade Social poden realizar consultas e xestións que viñan realizando, de forma presencial, en calquera das súas oficinas.
Dentro da Oficina Virtual atopará servizos orientados ao cidadán que permiten a consulta dos datos de carácter persoal, tales como a situación laboral actual, ou cotizacións á Seguridade Social. Para a utilización destes servizos é necesario nuns casos dispoñer de certificado dixital e noutros poderase facer a solicitude sen certificado dixital, pero o informe envíase ao domicilio que conste na base de datos da Seguridade Social.
Para acceder aos servizos con certificado dixital é imprescindible dispoñer dun Certificado Dixital, que garanta a seguridade e confidencialidade do trámite.
O acceso aos servizos sen certificado dixital require:
      * Cumprir o formulario de solicitude do informe desexado.
     * Que os datos que se fagan constar no formulario coincidan cos existentes nas bases de datos da Tesouraría Xeral da Seguridade Social.
     * Dispoñer de correo electrónico ao cal se enviará unha mensaxe informándo sobre o estado da súa petición.   Pechar 

Na oficina virtual da Axencia Tributaria, vostede poderá obter información ou realizar xestións da forma máis rápida e eficaz sen perdas de tempo, sin papeles e con total facilidade. Os accesos a estes servizos son de dúas formas con certificado dixital e sen certificado dixital.

Sen certificado dixital:

Servizos de información como por exemplo direccións, enderezos e teléfonos, ofertas de emprego público, poxas, normativa, calendario do contribuínte, folletos e guías, comercio electrónico, modelos de declaración para imprimir e cumprir, descargas de programas, etc...

Servizos con certificado dixital:

Como persoa física pode presentar as súas declaracións de Renda e Patrimonio, consultar a devolución de Renda, consultar as declaracións de Renda e Patrimonio presentadas por Internet durante cinco anos, solicitar o cambio de Domicilio Fiscal (persoas físicas que non actúen como empresarios, profesionais e obrigados a reter), consultar on-line durante a campaña de Renda, os seus Datos Fiscais, solicitar o abono anticipado da dedución de Nais Traballadoras, imprimir directamente etiquetas fiscais, obtención do certificado de declaración de Renda para solicitar axudas de colexios, comedor, transporte, etc….

Se dispón de negocio ou empresa pode presentar as súas declaracións de retencións e ingresos a conta, Presentar o modelo 036 de declaración censal e outros, como o 347 y 349, Imprimir directamente etiquetas fiscais, Obter certificacións de estar ao corrente no cumprimento das obrigas fiscais, Presentar, consultar e obter información sobre aprazamentos.   Pechar 

A Oficina Virtual é o portelo de atención ao usuario do Servizo Público de Emprego Estatal (SPEE)- INEM en Internet. Agora os cidadáns, empresas e colaboradores do SPEE - INEM poden realizar xestións, que antes tiñan que realizarse necesariamente de forma presencial, a través de Internet na Oficina Virtual do SPEE - INEM.

A utilización destes servizos requirirá, nalgúns casos, dispoñer dun certificado dixital (incluído o DNI electrónico) ou dun código de usuario ou identificarse mediante datos persoais.

O SPEE admite certificados dixitais emitidos para persoas físicas por Autoridades de Certificación recoñecidas. Ao ser os procedementos de solicitude, revogación e renovación diferentes en cada caso é conveniente que acceda ao sitio web de cada Autoridade certificadora para consultar as súas Políticas de Certificación.

Tipos de accesos aos servizos da Oficina Virtual:
* Con certificado. O acceso a un servizo mediante esta opción require que o cidadán dispoña dun certificado dixital (incluído o DNI electrónico) emitido por unha Autoridade de Certificación recoñecida.
* Con autorización. O acceso a un servizo mediante esta opción require dispoñer dunha clave de acceso emitida polos Servizos Públicos de Emprego.
* Con identificación. Para acceder a un servizo mediante esta opción, o cidadán tense que identificar introducindo os datos persoais que se lle solicitan.
* Sen identificación. O acceso a un servizo mediante esta opción non require ningún tipo de identificación do cidadán.    Pechar 

O Certificado de Usuario é un documento dixital que contén, entre outros, os seus datos identificativos. Así, o Certificado de Usuario permítelle identificarse en Internet e intercambiar información con outras persoas coa garantía de que só Ud. e o seu interlocutor poden acceder a ela.
O Certificado de Usuario permitiralle realizar trámites de forma segura coa Administración Pública a través de Internet. Grazas ao seu Certificado de Usuario poderán esquecerlle desprazamentos e esperas innecesarias. A Administración Pública en Internet é áxil e eficaz.
O certificado de Usuario utilízase a través do seu propio navegador, non sendo necesaria a instalación de ningún programa adicional. Ademais, é gratuíto.
Cando solicita un certificado de usuario, o seu navegador xera un par de claves. A clave privada gárdase no seu navegador e a clave pública envíase á FNMT-RCM. A FNMT-RCM asignará un código de solicitude a esa clave que lle será remitido vía web. Entón deberá comparecer nunha oficina de acreditación co seu documento de identidade e o devandito código. Finalmente, tras a acreditación, poderá proceder á descarga do certificado vía web. Este quedará instalado no seu navegador.
Dende esta páxina pode solicitar o certificado na Fábrica Nacional de Moeda e Timbre.   Pechar 

O proxecto IBERPIX (Servidor de Imaxes) é un servicio para visualizar imaxes e mapas de Teledetección e Ortofotos. O Sistema de Información Xeográfico IBERPIX proporciona diversa información sobre o territorio peninsular e as illas. A información está estructurada en capas de forma que cando o usuario selecciona un criterio nas opcións de menú, automáticamente a información é representada no mapa mostrándose deste xeito a situación sobre a utilización do solo en España.   Pechar

O proxecto SIGNA é un XIS (Sistema de Información Xeográfico) que nos permite visualizar e analizar a información xerada polo Instituto Geográfico Nacional. Dispón dun visor que mostra a información, mediante criterios de búsqueda e localización, sobre un mapa.   Pechar      

A Infraestrutura de Datos Espaciais de España (IDEE) ten como obxetivo o integrar a través de Internet os datos, metadatos, servizos e información de tipo xeográfico que se producen en España, a nivel nacional, rexional e local, facilitando a todos os usuarios potenciais a localización, identificación, selección e acceso a tales recursos, a través deste geoportal.
Para iso ofrécense varias aplicacións, que inclúen un visualizador de información xeográfica, que permite compoñer mapas superpoñendo información de diferentes provedores, un catálogo de datos e servizos, para obter información sobre datos e servizos xeográficos que se producen en España, un buscador de nomes xeográficos, que facilita a localización de topónimos, e a posibilidade de descargar datos xeográficos.   Pechar 

O Directorio de Información Accesible (DIGA) é unha Base de Datos Documental de Metadatos que nos permite obter descricións, realizar consultas alfanuméricas e gráficas dos diferentes conxuntos de información xeográfica que produce o Instituto Xeográfico Nacional.
O sistema esta formado polos principais conxuntos de datos producidos no IGN, catalogados en produtos segundo a serie á que pertencen e en unidades pertencentes a cada un dos produtos. Á súa vez DIGA posúe metadatos asociados a cada un dos produtos e unidades que contén, deseñados de acordo á Norma Internacional de metadatos ISO19115.

Esta base de Datos Documental permítenos as seguintes accións:
      * Listado de produtos
      * Busca de produtos segundo tres criterios de consulta: a serie, o tipo de formato e a escala do produto. 
      * Busca de unidades dos produtos.   Pechar

Sistema de Información Territorial para Concellos que, partindo da base dunha cartografía, pode xeorreferenciar tanto a información como a propia xestión municipal, proporcionando así aos Concellos e aos cidadáns servizos en liña baseados en sistemas de información xeográfica (SIG). Pódese visualizar sobre un plano aquelas rúas, casas ou outras infraestruturas afectadas por unha determinada obra municipal, así como a situación dos servizos de saneamento, electricidade, telefonía gas etc.  O sistema de información permite, entre outros moitos usos, a xestión de licenzas de obra maior e menor xa que, pulsando sobre un mapa nun determinado terreo disponse automaticamente de informacións como a súa clasificación urbanística, dimensións da parcela, información sobre os lindantes, as infraestruturas que o rodean, comunicacións, servizos etc. Tamén facilitará a xestión de licencias de apertura, de actividades molestas, do Padrón municipal, e a emisión de certificados de planeamento, entre outras actividades. O programa posibilitará tamén que os concellos dispoñan de información sobre o titular dunha determinada finca, demais posesións do mesmo, se ten algunha débeda pendente coa administración, etc...  Pechar 

Nesta páxina temos acceso a diversos sistemas de información xeográfica, como pode ser o Sistema de Información xeográfica de datos agrarios (SIGA) o Sistema de Información Xeográfica Oleícola Español, Sistema de vixilancia e alerta da evolución anual dos cultivos e aproveitamentos, o Sistema de Información Xeográfica de Parcelas Agrícolas do Estado (SIGPAC) e o Sistema de Identificación de Instalacións de Acuicultura.  Pechar